సమ్మర్‌ హాలీడేస్‌ కోసమో, ఇతర కారణాలతోనో విదేశాలకు వెళ్లాలనుకునేవారు ట్రాఫిక్‌ ఫైన్స్‌ క్లియర్‌ చెయ్యాల్సిందేనని రాయల్‌ ఒమాన్ పోలీసులు స్పష్టం చేశారు. కొత్తగా రూపొందించిన ఈ నిబంధన ఆదివారం నుంచి అమల్లోకి వచ్చింది. తాత్కాలికంగా అయినా, పర్మనెంట్‌గా అయినా దేశం విడిచి వెళ్ళాలనుకునేవారు విమానాశ్రయాలు, సరిహద్దుల్లో ఈ మేరకు ఏర్పాట్లు కూడా చేశారు రాయల్‌ ఒమాన్ పోలీసులు. ట్రాఫిక్‌ ఫైన్స్‌ చెల్లింపులపై అవగాహన పెంచేందుకు ప్రయత్నిస్తున్నామనీ, ఇకపై ఫైన్స్‌ పెండింగ్లో ఉండకుండా చూసేందుకే ఈ నిర్ణయం తీసుకున్నట్లు వారు చెప్పారు. ఇలాంటి చర్యల ద్వారా ట్రాఫిక్‌ ఉల్లంఘనలపై వాహనదారులు అప్రమత్తంగా ఉంటారని రాయల్‌ ఒమాన్ పోలీసు వర్గాలు వెల్లడించాయి.

--నూనె లెనిన్ కుమార్(ఒమాన్)