దుబాయ్: ఓ వెయిటర్, గన్ షాట్ సౌండ్ ఎఫెక్ట్స్ టిక్ టాక్ వీడియోకి జోడించి, దాన్ని వైరల్ చేసిన దరిమిలా, అతనికి ఆరు నెలల జైలు శిక్ష అలాగే 5,000 దిర్హాముల జరీమానా విధించడం జరిగింది. దుబాయ్ పోలీస్ కమాండ్ - ఎలక్ట్రానిక్ ఎవిడెన్స్ డిపార్టుమెంట్, ఈ ఘటనపై విచారణ జరిపింది. కావాలనే నిందితుడు ఈ దుశ్చర్యకు పాల్పడ్డాడనీ, సమాజంలో అలజడికి ప్రయత్నించాడనీ విచారణలో తేలింది. దుబాయ్ కార్ పార్క్ ప్రాంతంలో ఈ వీడియో తాను రూపొందించినట్లు నిందితుడు అంగీకరించాడు. ఓ సినిమా నుంచి సౌండ్ తీసుకున్నట్లు విచారణలో అధికారులు నిర్ధారించారు. వ్యూయర్స్ పెంచుకునే క్రమంలో నిందితుడు ఈ చర్యలకు పాల్పడ్డాడు.