సౌదీ: ఉద్యోగాలు దొరక్క అవస్థలు పడుతున్న యువతకు చేదోడుగా ఉండేందుకు నిరుద్యోగభృతి అందించనుంది సౌదీ ప్రభుత్వం. సౌదీ మంత్రి మండలి నిర్ణయం మేరకు అర్హులైన వారికి 15 నెలల పాటు ఆర్ధిక సాయం అందించనుంది. నిరుద్యోగభృతి సాయాన్ని నాలుగు కేటగిరిలుగా విభజించింది ప్రభుత్వం.లబ్ధిదారులకు తొలి నాలుగు నెలలు SR2,000 చొప్పున సాయం అందిస్తారు. ఆ తర్వాతి నాలుగు నెలలు SR1,500, ఆ తర్వాతి నాలుగు నెలలు SR1,000 చొప్పున ప్రభుత్వం నుంచి సాయం అందుతుంది. ఇక చివరి మూడు నెలలు SR 750 చొప్పున నిరుద్యోగభృతి అందుతుంది.ఉద్యోగం పొందలేకపోయిన 20-40 ఏళ్ల మధ్య ఉన్న యువతీ, యువకులు నిరుద్యోగభృతికి అర్హులు.

గమనిక: ఈ అవకాశం సౌదీ పౌరులు మరియు శాశ్వత నివాసితులకు మాత్రమే