హైదరాబాద్: నటి పావలా శ్యామల దీన స్థితిని చూసి మెగాస్టార్ చిరంజీవి మరోసారి సాయం చేశారు. గతంలో పావ‌ల శ్యామ‌ల స‌రైన ఉపాధి లేక తీవ్ర ఇబ్బందుల్లో ఉన్న‌ప్పుడు చిరంజీవి 2ల‌క్ష‌లు రూపాయలు సాయ‌ప‌డిన సంగ‌తి తెలిసిందే. కుమార్తె శ్రీ‌జ చేతుల‌మీదుగా ఈ సాయం చేశారు. తాజాగా ఆమె పరిస్థితిపై వస్తున్న వార్తలు చూసిన చిరు మరోసారి ఆర్థిక సాయాన్ని అందించారు. ఆమెకు రూ. 1 ల‌క్షా 1500 లను అందించారు. అంతేకాదు ‘మా’ సభ్యత్వం ఇప్పించి, ఆమెకు ప్రతి నెలా ఆరు వేల రూపాయల పెన్షన్ వచ్చేలా ఏర్పాటు చేస్తానన్నారు. దీంతో శ్యామల తన సంతోషాన్ని వ్యక్తంచేస్తూ.. మ‌న‌స్ఫూర్తిగా చిరంజీవికి ధ‌న్య‌వాదాలు తెలియజేశారు.