వందకోట్లతో తెరకెక్కిన సినిమాలను చూశాం.. వందల కోట్లు కొల్లగొట్టిన సినిమాలనూ చూస్తున్నాం. వందెకరాల్లో ఓ సినిమా షూటింగ్ చేయడం చాలా అరుదు. ప్రస్తుతం ఓ తమిళ చిత్రం పేరిట ఈ రికార్డు నమోదవనుంది. సూపర్‌గుడ్‌ ఫిలింస్‌ బ్యానర్‌పై 'మంజాపై' (తెలుగులో 'ఎర్రబస్సు' పేరుతో రీమేక్ చేశారు) ఫేమ్‌ రాఘవన్ దర్శకత్వంలో ఆర్య, కేథరిన్ థెరిసా హీరో హీరోయిన్లుగా తెరకెక్కనున్న కొత్త చిత్రం షూటింగ్‌ 100 ఎకరాల స్థలంలో మొదలవనున్నట్టు తమిళ సినీ వర్గాలు చెబుతున్నాయి. దిండుగల్‌ జిల్లా తాండికుడి అనే గ్రామంలోని వంద ఎకరాల ఖాళీ స్థలంలో వేసిన సెట్‌లో ఈ చిత్రం తొలి షెడ్యూల్‌ జరుగనుందిట. ప్రస్తుతం ప్రీ ప్రొడక్షన్‌లో ఉన్న ఈ చిత్రానికి 'తనికాట్టు రాజా' అనే టైటిల్‌ ప్రచారంలో ఉంది.ఇది రజనీకాంత్ నటించిన పాత చిత్రం టైటిల్ కాగా, అది అవాస్తవమని చిత్ర వర్గాలు చెబుతున్నాయి. యువన శంకర్‌రాజా ఈ చిత్రానికి సంగీతం అందిస్తున్నారు. ఇంతకీ వందెకరాల్లో ఆర్య, కేథరిన్‌ ఏం చేస్తారబ్బా..?!