సౌదీ: మహిళల సాధికారిత లక్ష్యంగా ఇప్పటికే పలు కీలక సంస్కరణలు చేపట్టిన సౌదీ ప్రభుత్వం...పిల్లల బ్యాంక్ అకౌంట్ల విషయంలోనూ తల్లులకు ప్రాధాన్యత కల్పించింది. సంతానం పేరు మీద తల్లులు బ్యాంక్ అకౌంట్ ఒపెన్ చేయవచ్చని సౌదీ మానేటరీ అథారిటీ-SAMA స్పష్టం చేసింది. మైనార్టీ తీరే వరకు తల్లుల అకౌంట్ కు పిల్లల బ్యాంక్ అకౌంట్ అనుసంధానమై ఉంటుంది. అంటే తమ సంతానం పేరు మీద తీసుకునే అకౌంట్ కు తల్లులు అధికారిక సంరక్షకులుగా ఉంటారు. కుటుంబ వ్యవస్థలో మాతృమూర్తులను మరింత శక్తివంతం చేసేలా ఈ నిర్ణయం దోహదపడుతుందని అధికారులు చెబుతున్నారు. అయితే...పిల్లల పేరు మీద అకౌంట్ ఓపెన్ చేయాలనుకునే తల్లులు ఖాతా తెరిచేందుకు భర్తను తీసుకురావాలి. లేదంటే కోర్టు అనుమతి తీసుకోవాలని SAMA వెల్లడించింది. ప్రపంచవ్యాప్తంగా బ్యాకింగ్ వ్యవస్థలో మహిళల ప్రాధాన్యతను పెంపొందించేలా సౌదీ చేపడుతున్న చర్యలు సత్ఫలితాలు ఇస్తున్నాయని, ఇతర దేశాలతో మహిళ ప్రాధాన్యత రేటు పోల్చుకుంటే 100కుగాను సౌదీ 80 స్కోరు సాధించింది. గతేడాది ఈ స్కోరు 70.6గా ఉన్న విషయం తెలిసిందే.