యూఏఈ: వేరియంట్లతో విరుచుకుపడుతున్న కోవిడ్ వైరస్ ను ఎదుర్కొనేందుకు కొత్త వైద్య విధానంలో ట్రీట్మెంట్ అందించే పద్దతికి యూఏఈ గ్రీన్ సిగ్నల్ ఇచ్చింది. COVID-19 కు కొత్త చికిత్సగా సోట్రోవిమాబ్ (వీర్ -7831) ను అత్యవసరంగా వినియోగించేందుకు ఆరోగ్య మంత్రిత్వ శాఖ ఆమోదం తెలిపింది. కోవిడ్ కు చికిత్స గా సోట్రోవిమాట్ విధానానికి అనుమతి ఇచ్చిన తొలి దేశం యూఏఈ కావటం విశేషం. ఈ విధానంలో కోవిడ్ బారిన పడి స్వల్ప లక్షణాలు ఉన్న పేషెంట్ల నుంచి  మోనోక్లోనల్ యాంటీబాడీని సేకరిస్తారు. కోవిడ్ కు చికిత్స పొందుతున్న 12 ఏళ్లు, అంతకుమించిన వయసు పేషెంట్ల హెల్త్ కండీషన్ క్రిటికల్ గా మారిన సమయాల్లో వారికి సోట్రోవిమాట్ విధానంలో మోనోక్లోనల్ యాంటీబాడీ ద్వారా చికిత్స అందిస్తారు. గ్లోబల్ లీడింగ్ హెల్త్ కేర్ కంపెనీ గ్లాక్సో స్మిత్ క్లైన్ సౌజన్యంతో ఈ చికిత్స విధానాన్ని అందిస్తోంది. ఈ విధానంలో మరణాలను 85 శాతం తగ్గించేందుకు ఆస్కారం ఉన్నట్లు గ్లాక్సో స్మిత్ క్లైన్ సంస్థ ప్రతినిధులు స్పష్టం చేశారు.