ఒమన్: కోవిడ్ 19 కేసుల సంఖ్య పెరుగుతుండటంతో పెషెంట్లకు చికిత్స అందించేందుకు డోనేషన్ల రూపంలో ప్రజలు సహకరించాలని అల్ దఖిలియా గవర్నరేట్ హెల్త్ డిపార్ట్మెంట్ కోరింది. గవర్నరేట్ పరిధిలో కొద్ది రోజులుగా వైరస్ తీవ్రత పెరుగుతున్న విషయం తెలిసిందే. దీంతో చికిత్స కోసం ఆస్పత్రుల్లో చేరుతున్న వారి సంఖ్య కూడా రోజు రోజుకీ ఎక్కువ అవుతోంది. ఆస్పత్రుల్లో చేరుతున్న వారితో పాటు ఇళ్లలోనే చికిత్స అందించేందుకు ఆక్సిజన్ పరికరాలు అత్యవసరంగా మారాయి. ఆక్సిజన్ పరికరాల కొరతను అధిగమించేందుకు ప్రజలు తాము ఉపయోగించిన పరికరాలను డొనేట్ చేయాలని అల్ దఖిలియా గవర్నరేట్ హెల్త్ డిపార్ట్మెంట్ కోరింది. పరికరాలను ఇవ్వలేని వారు వాటిని కొనుగోలు చేసేందుకు డోడ్పాటు అందించాలంది. ఆక్సిజన్ పరికరాలను డొనేట్ చేయాలనుకుంటున్నవారు 92881138/95733771 నెంబర్ల ద్వారా ఇహ్షాన్ అసోసియేషన్ శాఖను సంప్రదించాలని లేదా 95211098 నెంబర్ ద్వారా నిజ్వా హాస్పిటల్ ను సంప్రదించాలని కోరింది.