సౌదీ: వచ్చే ఏడాది హజ్ సమయానికి విదేశీ యాత్రికులకు హజ్ స్మార్ట్ కార్డులను అందుబాటులోకి తీసుకురానున్నట్లు హజ్ & ఉమ్రా మంత్రిత్వ శాఖ వెల్లడించింది. ఈ హజ్ స్మార్ట్ కార్డుతో విదేశీ యాత్రికులు తమ దేశాల్లోని వారి బ్యాంకు అకౌంట్ల నుంచి నగదును ట్రాన్స్ ఫర్ చేసుకునేందుకు వీలుంటుంది. అంటే హజ్ స్మార్ట్ కార్డుల ద్వారా సౌదీ అరేబియాలో విదేశీ యాత్రికులు ఏదైనా కొనుగోలు చేసుకోవచ్చు. గతేడాది డిసెంబర్ లో తొలిసారిగా హజ్ స్మార్ట్ కార్డులను అందుబాటులోకి తీసుకొచ్చారు. విడతల వారీగా దీన్ని ఇంప్లీమెంట్ చేస్తూ ఇప్పుడు తొలిసారిగా విదేశీ యాత్రికులకు కూడా స్మార్ట్ కార్డులను అందజేస్తున్నారు.