యూఏఈ: యూఏఈ ప్రభుత్వం, సోమవారం 10 ఏళ్ళ గోల్డెన్ వీసా విషయమై కీలక ప్రకటన చేసింది. హై స్కూల్ గ్రాడ్యుయేట్స్ ఎవరైతే టాపర్లుగా నిలుస్తారో వారికీ, వారి కుటుంబ సభ్యులకూ గోల్డెన్ వీసా జారీ చేయడం జరుగుతుంది. టాలెంట్ వున్నవారిని ప్రోత్సహించే క్రమంలో ఈ నిర్ణయం ఎంతగానో ఉపకరిస్తుందని అధికారులు తెలిపారు. ఎమిరేట్స్ స్కూల్స్ ఎస్టాబ్లిష్మెంట్ ద్వారా దరఖాస్తు చేయాల్సి వుంటుంది. జనరల్ సెకెండరీ సర్టిఫికెట్ లేదా తత్సమానమైన అర్హత పబ్లిక్ లేదా ప్రైవేటు స్కూళ్ళ నుంచి పొందితే, వారు గోల్డెన్ వీసా పొందేందుకు అర్హులు. యూఏఈ లోపల లేదా వెలుపల ఎవరైతే 3.75 యావరేజ్ లేదా సమానమైన అర్హత సైంటిఫిక్ డిసిప్లిన్స్ విభాగంలో పొందితే, వారు కూడా గోల్డెన్ వీసా కోసం దరఖాస్తు చేసుకోవచ్చు.