మస్కట్: రెండు రోజుల పర్యటన నిమిత్తం సౌదీ వెళ్లిన ఒమన్ సుల్తాన్ హైతం బిన్ తారిఖ్..తన పర్యటన ముగించుకొని స్వదేశానికి చేరుకున్నారు. సౌదీలోని మెజెస్టి సుల్తాన్ నియోమ్ బే విమానాశ్రయంలో ఉప ప్రధాని, ప్రిన్స్ మొహమ్మద్ బిన్ సల్మాన్ అల్ సౌద్ సాదర వీడ్కోలు పలికారు. తన పర్యటన అనంతరం సౌదీ ఆతిథ్యంపై సుల్తాన్ ప్రశంసల వర్షం కురిపించారు. సౌదీ రాజు, అతని బృందం ఆతిథ్యానికి హృదయపూర్వక ప్రశంసలను వ్యక్తం చేశారు. కింగ్ సల్మాన్ ఆయుఆరోగ్యాలతో ఉండాలని అల్లాను ప్రార్ధిస్తున్నట్లు తెలిపారు. ఇక తన పర్యటన ఫలవంతంగా, సానుకూల దృక్పథంతో ముగిసినట్లు ఆయన వెల్లడించారు. ఇరు దేశాల మధ్య చారిత్రక బంధం మరింత పటిష్టం చేసేలా, ఇరు దేశాల ప్రజలకు పరస్పర ప్రయోజనం చేకూరేలా చర్చలు, ఒప్పందాలు జరిగినట్లు వివరించారు.