మలేసియా: మలేసియా నుంచి మక్కాకి స్విమ్ చేస్తూ వచ్చేందుకు ప్రయత్నించిన 28 ఏళ్ల వ్యక్తిని అరెస్టు చేశారు.టాంజుంగ్ సిటీ మెరీనా వద్ద సముద్రంలోకి దూకిన నిందితున్ని పోలీసులు అదుపులోకి తీసుకున్నారు. గతంలో కూడా నిందితుడు ఇలాంటి సాహసాలు చేయబోయాడు. కాగా, నిందితున్ని పెనాంగ్ ఆసుపత్రికి వైద్య చికిత్స నిమిత్తం తరలించారు. జలాన్ పెరాక్ సైకియాట్రిక్ వార్డులో అతనికి చికిత్స అందిస్తున్నారు.మక్కాకి స్విమ్ చేసుకుంటూ రావాలని నిందితుడు ఎందుకు అనుకున్నాడో తెలియరాలేదు.సౌదీ అరేబియా నుండి 4,455 నాటికల్ మైళ్ల దూరంలో మలేసియా ఉంది.