బహ్రెయిన్‌లో డయాబెటిస్‌ కేసులు ఆందోళకరమైన స్థాయిలో పెరుగుదల నమోదు చేస్తున్నాయి. ఇందులోనూ చిన్న పిల్లలు డయాబెటిస్‌ బారిన పడుతుండడం ఇంకా ఆందోళన కలిగిస్తోంది. డయాబెటిస్‌తో బాధపడుతున్న చిన్నారుల సంఖ్య 1500కి పైగా పెరిగినట్లు సుప్రీం కౌన్సిల్‌ ఆఫ్‌ హెల్త్‌ (ఎస్‌సిహెచ్‌) ప్రెసిడెంట్‌ మరియు బహ్రెయిన్‌ డయాబెటీస్‌ సొసైటీ (బిడిఎస్‌) ఛైర్మన్‌ లెఫ్టినెంట్‌ జనరల్‌ డాక్టర్‌ షేక్‌ మహమ్మద్‌ బిన్‌ అబ్దుల్లా అల్‌ ఖలీఫా చెప్పారు. బిడిఎస్‌ ఏర్పాటు చేసిన అరబ్‌ సెమినార్‌లో ఆయన మాట్లాడారు. డయాబెటిస్‌తో బాధపడుతున్న పెషెంట్ల కుటుంబాలు ఈ కాన్ఫరెన్స్‌కి హాజరయ్యాయి. పిల్లల్లో డయాబెటీస్‌ వంశపారంపర్యంగా వచ్చే అవకాశం ఉందనీ అలాగే అధిక బరువు, అనారోగ్యకరమైన ఆహారశైలి, ఏమాత్రం శారీరక శ్రమ లేకపోవడం వంటివి డయాబెటీస్‌ పెరుగుదలకు కారణమని నిపుణులు వెల్లడించారు.