షార్జాలో జరిగిన రోడ్డు ప్రమాదంలో ముగ్గురు భారతీయ స్టూడెంట్స్‌ మృతి చెందారు. అల్‌ దామ్‌లో ఈ యాక్సిడెంట్‌ జరిగింది. అష్మిద్‌ అష్రాఫ్‌, షిఫామ్‌ ముస్తఫా మరియు మహమ్మద్‌ సునూన్‌గా మృతి చెందినవారిని గుర్తించారు. ఈ ముగ్గురూ భారతదేశంలోని కేరళ రాష్ట్రానికి చెందినవారు. అల్‌ మదామ్‌లో స్నేహితుడ్ని కలిసి, తిరిగి వస్తుండగా ఈ ప్రమాదం జరిగింది. ముగ్గురూ ప్రమాద స్థలంలోనే మృతి చెందారు. ప్రమాద సమయంలో మొత్తం ఆరుగురు కారులో ప్రయాణిస్తున్నారు. గాయపడ్డవారిని ఆసుపత్రికి తరలించారు. దుబాయ్‌లో అష్మిద్‌ తండ్రి అష్రాఫ్‌ రెస్టారెంట్‌ని నడుపుతున్నారు. పరీక్షల కోసం అష్మిద్‌ వారం రోజుల క్రితమే షార్జాకి వచ్చాడు.