కువైట్: సెలవు రోజుల్లో కూడా వ్యాక్సినేషన్ సెంటర్లను కొనసాగించనున్నట్లు కువైట్ ఆరోగ్య శాఖ వెల్లడించింది. రోజుకో వేరియంట్ పుట్టుకొస్తుండటంతో వైరస్ తీవ్రతను ఎదుర్కొనేందుకు వీలైనంత ఎక్కువ సంఖ్యలో వ్యాక్సిన్ ఇవ్వాలని లక్ష్యంగా నిర్దేశించుకుంది. తక్కువ సమయంలో ఎక్కువ మందికి వ్యాక్సిన్ అందించేందుకు నిరంతరాయంగా వ్యాక్సినేషన్ సెంటర్ల సేవలను వినియోగించుకోనున్నట్లు వెల్లడించింది. అందుకే సెలవు రోజుల్లోనూ వ్యాక్సిన్ ఇవ్వనున్నట్లు తెలిపింది. ఆది, సోమవారాల్లో కూడా వ్యాక్సిన్ అపాయిట్మెంట్లను స్వీకరించనున్నట్లు వివరించింది.