సౌదీ: ట్రావెల్ బ్యాన్ ఎదుర్కొంటున్న దేశాల్లో చిక్కుకుపోయిన ప్రవాసీయులు, పర్యాటకులకు వీసా గడువు పొడిగించింది సౌదీ ప్రభుత్వం. రెసిడెన్సీ పర్మిట్(ఇకామాస్), ఎగ్జిట్& రీ-ఎంట్రీ వీసాలు, అలాగే ప్రయాణ నిషేధాన్ని ఎదుర్కొంటున్న దేశాలలో ప్రస్తుతం చిక్కుకున్న ప్రవాసుల విజిట్ వీసాలను సెప్టెంబర్ 30, 2021 వరకు ఉచితంగా పొడిగిస్తున్నట్లు సౌదీ స్పష్టం చేసింది. పవిత్ర మసీదుల సంరక్షకుడు కింగ్ సల్మాన్ ఆదేశాల మేరకు ఆర్థిక మంత్రి మంజూరు చేసిన ఇకామాలు, వీసాల చెల్లుబాటు వ్యవధిని ఉచితంగా పొడిగిస్తున్నట్లు అధికార వర్గాలు తెలిపాయి. జాతీయ సమాచార కేంద్రం సహకారంతో వీసా గడువు పెంపు ఆటోమెటిగ్గా జరిగిపోతుందని జనరల్ డైరెక్టరేట్ ఆఫ్ పాస్‌పోర్ట్‌లు (జవాజత్) తెలిపింది.