కువైట్: కొందరు కేటుగాళ్లు మంత్రిత్వ శాఖ అధికార వెబ్ సైట్ల తరహాలోనే నకిలీ వెబ్ సైట్లు రూపొందించి ప్రజలను మోసం చేస్తున్నారని కువైట్ అంతర్గత మంత్రిత్వ శాఖ వెల్లడించింది. మంత్రిత్వ శాఖ పేరుతో బ్యాంక్ వివరాలను అడుగుతున్నారని అలాంటి ఫేక్ వెబ్ సైట్ల పట్ల అప్రమత్తంగా ఉండాలని హెచ్చరించింది. ఫేక్ వెబ్ సైట్ నిర్వాహకుల మాయలో పడి బ్యాంక్ వివరాలను ఇస్తే..బ్యాంక్ లోని నగదును కాజేసే ప్రమాదం ఉందని తెలిపింది. బ్యాంక్ వివరాలను ఆన్ లైన్ ద్వారా షేర్ చేసుకోవద్దని పేర్కొంది.