హైదరాబాద్: ఈ నెల 10న జరుగబోతున్న మూవీ ఆర్టిస్ట్ అసోసియేషన్ ఎన్నికల్లో కొత్త ట్విస్ట్ చోటు చేసుకుంది.  'నా దైవ సమానులు, నా ఆత్మీయులు, నా శ్రేయోభిలాషులు సూచన మేరకు నేను మా జనరల్ సెక్రెటరీ నామినేషన్ ఉపసంహరించు కున్నాను' అని సోషల్ మీడియా ద్వారా బండ్ల గణేశ్ శుక్రవారం తెలియచేశాడు. ప్రకాశ్ రాజ్, శ్రీకాంత్ తో కలిసి దిగిన ఫోటోను, నామినేషన్ ఉపసంహరించుకుంటూ 'మా' ఎన్నికల అధికారికి ఇచ్చిన లేఖను కూడా ఈ పోస్ట్ తో జత చేశాడు. మరి ప్రకాశ్ రాజ్ ప్యానెల్ కు చెందిన జీవిత, మంచు విష్ణు ప్యానల్ నుండి పోటీచేస్తున్న రఘుబాబు లో ఎవరు జనరల్ సెక్రటరీగా తెలుస్తారో చూడాలి.