సౌదీ అరేబియా: సౌదీ అరేబియాలోని పలు ప్రాంతాల్లో సోమవారం నుంచి శుక్రవారం వరకు కొన్ని చోట్ల మోస్తరు వర్షాలు, మరికొన్ని చోట్ల భారీ వర్షాలు కురుస్తాయని నేషనల్ సెంటర్ ఫర్ మిటియరాలజీ పేర్కొంది. వాయుగుండం కారణంగా ఈ పరిస్థితులు ఏర్పడుతున్నాయి. ఉరుములు మెరుపులతో కూడిన వర్షాలు రియాద్, మక్కా, ఈస్టర్న్ ప్రావిన్స్, అసిర్, నజ్రాన్ తదితర ప్రాంతాల్లో కురుస్తాయి. ఈస్టర్న్ ప్రావిన్స్‌లో ఓ మోస్తరు నుంచి భారీ వర్షాలు కురుస్తాయి సోమవారం అలాగే మంగళవారం వరకు. మంగళవారం నుంచి బుధవారం వరకు రియాద్ ప్రాంతంలో ఎక్కువగా వర్షాలుంటాయి. అసిర్, నజ్రాన్ మరియు మక్కా ప్రాంతాల్లో ఓ మోస్తరు వర్షాలు బుధవారం గురువారం కనిపిస్తాయి.