అబుదాబీ: భారత జాతీయుడు నహీల్ నిజాముద్దీన్ 10 మిలియన్ దిర్హాముల్ని బిగ్ టికెట్ అబుదాబీ సిరీస్ 232 డ్రాలో గెలుచుకున్నారు. ఆదివారం ఈ డ్రా జరిగింది. సెప్టెంబర్ 26న నిజాముద్దీన్ 278109 నెంబర్ గల టిక్కెట్ కొనుగోలు చేశారు. కేరళలోని కొల్లాం జిల్లాలో వున్న అడ్రసును నిజాముద్దీన్ ఇచ్చారు. కానీ, ఆ అడ్రస్‌తోపాటు ఇచ్చిన ఫోన్ నెంబర్లు పని చేయడంలేదు. ఓ ఫోన్ ఇన్కమింగ్ పని చేయడంలేదనీ, మరో ఫోన్ రీచ్ అవడంలేదనీ, అతన్ని ఎలాగైనా ట్రేస్ చేస్తామనీ ర్యాఫిల్ నిర్వాహకులు తెలిపారు. మరో వైపు సౌదీ అరేబియాలో నివసిస్తున్న ఇంకో భారతీయ వలసదారుడు ఆంజెలో ఫెర్నాండెజ్ 1 మిలియన్ దిర్హాములను గెలుచుకున్నారు.