కువైట్: సుబ్బియా శివారులో  భారీ మొబైల్ వెహికిల్ ప్రాజెక్ట్ రాబోతుంది. జాబర్ బ్రిడ్జికి చివరన వచ్చే ఈ ప్రాజెక్టు ఒక మిలియన్ చదరపు మీటర్ల విస్తీర్ణంలో నిర్మించనున్నారు. ఇందులో దాదాపు 400 ప్రాజెక్టులను ఏర్పాటు చేసే అవకాశం ఉందని ప్రభుత్వ కమ్యూనికేషన్ సెంటర్ వెబ్‌సైట్, ట్విట్టర్ ద్వారా ప్రకటించింది. ప్రతిష్టాత్మకంగా చేపట్టబోయే మొబైల్ ప్రాజెక్టులో కార్ పార్కింగ్, వాకింగ్ ట్రాక్, సైక్లింగ్ ట్రాక్, రేసింగ్ ట్రాక్, ఎంటర్ టైన్ ఈవెంట్ లకు స్థలాలను కేటాయించనున్నారు. అలాగే ఫుడ్ ట్రక్కులు, రిటైల్ విక్రయాల కోసం స్థలాలను కేటాయించనున్నట్లు అల్-జరిదా దినపత్రిక తన కథనంలో తెలిపింది.