మస్కట్: మస్కట్ మున్సిపల్ అధికారులు  ప్రజలకు గుడ్ న్యూస్ చెప్పారు. కరోనా ఎఫెక్ట్ తగ్గటంతో ప్రభుత్వం నెమ్మదిగా ఆంక్షలను సడలిస్తోంది. ఇందులో భాగంగా సిటీలోని ప్రముఖ అన్ నసీమ్ పబ్లిక్ పార్క్ ను నేటి నుంచి రీ ఓపెన్ చేస్తున్నారు. కరోనా ఎఫెక్ట్ తో చాలా రోజుల నుంచి ఈ పార్క్ ను మూసివేశారు. మళ్లీ రీ ఓపెన్ చేస్తుండటంతో చాలా మంది సంతోషం వ్యక్తం చేస్తున్నారు. కల్బుహ్, గుబ్ర లేక్ లను మాత్రం ఇప్పుడు రీ ఓపెన్ చేయటం లేదని చెప్పారు. కొన్ని రోజుల తర్వాత సమీక్షించి నిర్ణయం తీసుకుంటామని మున్సిపల్ అధికారులు తెలిపారు.