మనామా: ఇంటర్ పోల్ జారీ చేసిన వారెంట్ ఆధారంగా బహ్రెయిన్ పోలీసులు హ్యూమన్ ట్రాఫికింగ్ గ్యాంగు గుట్టుని రట్టు చేశారు. కోర్టు వివరాల్లోకి వెళితే, బహ్రెయినీ పోలీసులు ఓ ఆసియా మహిళకు సంబంధించి వారెంటుని ఇంటర్‌పోల్ నుంచి అందుకోవడం జరిగింది. ఆమెను అరెస్టు చేయగా, ఆమెతోపాటు మరో ముగ్గురికి ఈ రాకెట్‌తో సంబంధం వున్నట్లు తేలింది. జుఫ్ఫయిర్‌లో ఆ మహిళను అరెస్టు చేశారు. విచారణ సందర్భంగా నిందితురాలు తన నేరాన్ని అంగీకరించింది. 130 బహ్రెయినీ దినార్లకు ఒక్కో మహిళను వేరే మహిళల వద్ద కొనుగోలు చేసి, వారితో వ్యభిచారం చేయిస్తున్నట్లు వెల్లడించింది. ఆ మహిళల్ని కూడా అెస్టు చేశారు. మహిళ చెప్పిన వివరాలతో ఓ అపార్టుమెంట్ వద్దకు వెళ్ళగా, అక్కడ బందీగా వున్న మహిళలు పోలీసులకు కనిపించారు. వారిని పోలీసులు విడుదల చేశారు.