ఈ మధ్యనే "వైల్డ్ డాగ్" సినిమాతో ప్రేక్షకుల ముందుకు వచ్చిన టాలీవుడ్ కింగ్ నాగార్జున ప్రస్తుతం తన తదుపరి సినిమా అయినా "గోస్ట్" తో బిజీగా ఉన్నారు.

ప్రవీణ్ సత్తారు ఈ సినిమాకి దర్శకత్వం వహిస్తున్నారు. అయితే సినిమా షూటింగ్ మొదలైనప్పటి నుంచి హీరోయిన్ విషయంలో చిత్ర బృందానికి ఏదో ఒక ఇబ్బంది వస్తూనే ఉంది. ముందుగా ఈ సినిమా కోసం కాజల్ అగర్వాల్ ని హీరోయిన్ గా అనుకున్నారు. ఆమె ను పెట్టి రెండు మూడు రోజులు షూటింగ్ కూడా జరిపారు.

కానీ త్వరలో తల్లి కాబోతున్న కాజల్ అగర్వాల్ ఈ సినిమా నుంచి తప్పుకున్నట్లుగా వార్తలు వినిపించాయి. ఆ తర్వాత ఈ సినిమా కోసం సౌత్ బ్యూటీ అమల పాల్ ను ఎంపిక చేశారు. కానీ ఈమె ఈ సినిమా కోసం భారీ రెమ్యూనరేషన్ డిమాండ్ చేసింది. పైగా ఈ సినిమాలో నాగార్జునతో స్విమ్మింగ్ పూల్ లో ఒక లిప్ లాక్ సన్నివేశం ఉంటుంది. దీంతో ఆమె భారీ మొత్తాన్ని అడిగింది. నిర్మాతలు నో చెప్పడంతో ఆమె కూడా సినిమా నుంచి తప్పుకుంది. ఇలా ఇద్దరు హీరోయిన్లు సినిమా నుండి తప్పుకున్నారు.