విజయవాడ నగరంలోని ఐవీ ప్యాలస్‌ వద్ద తీవ్ర ఉద్రిక్తత నెలకొంది. దిల్లీ జేఎన్‌యూ విద్యార్థి సంఘం అధ్యక్షుడు కన్నయ్యకుమార్‌ సభను అడ్డుకొనేందుకు భాజపా, అనుబంధ సంఘాల నేతలు, కార్యకర్తలు యత్నించడంతో ఈ పరిస్థితి తలెత్తింది. దీంతో అక్కడ భారీగా మోహరించిన పోలీసులు వారి ప్రయత్నాలను అడ్డుకున్నారు. సభకు హాజరైన కన్నయ్యకుమార్‌కు వ్యతిరేకంగా భాజపా కార్యకర్తలు నినాదాలు చేయడంతో వారిపై ఏఐఎస్‌ఎఫ్‌ కార్యకర్తలు దాడిచేశారు. ఈ దాడిలో గాయపడిన ఓ భాజపా కార్యకర్తను పోలీసులు ఆస్పత్రికి తరలించారు.