కువైట్: కోవిడ్ 19 కొత్త వేరియంట్ ఒమిక్రాన్ వ్యాప్తి కారణంగా ప్రపంచ వ్యాప్తంగా ఆందోళనకర పరిస్థితి మళ్లీ నెలకొంది. పైగా ఒమిక్రాన్ వేగంగా వ్యాప్తి చెందుతోంది. అందుకే ప్రజలు దీని బారిన పడకుండా జాగ్రత్తలు తీసుకోవాలని, ముఖ్యంగా పండుగలు, న్యూ ఇయర్ సెలవు దినాల్లో అదనపు జాగ్రత్తలు తీసుకోవాలని కువైట్ ఆరోగ్య మంత్రిత్వ శాఖ పిలుపునిచ్చింది. బహిరంగ సమావేశాలు, కార్యక్రమాలకు దూరంగా ఉండాలని, మాస్కులు, భౌతిక దూరం వంటి కొవిడ్ నిబంధనలు తప్పనిసరిగా పాటించాలని కోరింది.