చిరంజీవి తనయుడు రామ్‌చరణ్‌ తేజ్‌ పుట్టిన రోజుసందర్భంగా మార్చి 27వ తేదీన మెగా రక్తదాన శిబిరాన్ని భారీ స్థాయిలో నిర్వహించటానికి సన్నాహాలు జరుగుతున్నాయి. చిరంజీవి చారిటబుల్‌ట్రస్టు ఆధ్వర్యంలో జరిగే ఈ కార్యక్రమాన్ని విజయవంతం చేయాలని అభిమానులను కోరుతున్నారు. హైదరాబాద్‌లోని ట్రస్టు కార్యాలయంతోపాటు తెలుగు రాష్ట్రాల్లోని పలు ప్రాంతాల్లో అదేరోజు రక్తదాన శిబిరాలను నిర్వహిస్తున్నారు. ఈ సందర్భంగా అత్యధిక సంఖ్యలో రక్తదానం చేయాలని అభిమానులకు మెగాస్టార్‌ చిరంజీవి పిలుపునిచ్చారు. ఏకకాలంలో వేలాది యూనిట్ల రక్తాన్ని సేకరించి గిన్నిస్‌బుక్‌ ఆఫ్‌ రికార్డులో చోటు సంపాదించాలనే ఉద్దేశ్యంతోనే ఈ మెగా రక్తదాన శిబిరాలు ఏర్పాటు చేస్తున్నట్టు తెలిసింది.