కువైట్: ప్రపంచవ్యాప్తంగా పెరుగుతున్న కరోనా వైరస్ కేసుల దృష్ట్యా ప్రజలు తమ ప్రయాణాన్ని వాయిదా వేయాలని విదేశీ వ్యవహారాల మంత్రిత్వ శాఖ పిలుపునిచ్చింది. ప్రపంచవ్యాప్తంగా కోవిడ్ కేసులు పెరుగుతున్న నేపథ్యంలో అందరూ జగ్రత్తగా ఉండాలని సూచించింది. మహమ్మారి ప్రమాదం ముప్పు ఇంకా తొలగలేదని, దీన్ని ఎదుర్కోవటానికి కర్ఫ్యూలు, విమాన ప్రయాణలపై ఆంక్షలు విధించే అవకాశం ఉందని పేర్కొంది. మాస్కులు ధరించాలని, భౌతిక దూరం నిబంధనలు పాటించాలని ప్రజలకు సూచించింది.