బహ్రెయిన్: బడ్జెట్ లోటును అదుపులో పెట్టేందుకు పెంచిన వ్యాట్ అమల్లోకి వచ్చింది. చట్టం ప్రకారం పన్ను విధించబడే అన్ని వస్తువులపై పెరిగిన 10% విలువ ఆధారిత పన్ను(వ్యాట్) చెల్లుబాటు అవుతుంది. బడ్జెట్ లోటును అరికట్టడానికి, కోవిడ్ 19 ద్వారా ప్రభావితమైన ఫిస్కల్ బ్యాలెన్స్ ప్రోగ్రామ్‌ను తిరిగి స్థిరీకరించడానికి బహ్రెయిన్ పన్ను రేటును పెంచింది. రెండు సంవత్సరాల తర్వాత వ్యాట్ రేట్లలో సవరణలు జరిగాయి. ప్రాథమిక ఆహారం, కొత్త భవనాల నిర్మాణం, చమురు, గ్యాస్, ఆరోగ్య సంరక్షణ, విద్య తదితర వాటికి VAT నుండి మినహాయింపు ఉంది. అలాగే రియల్ ఎస్టేట్ తో పాటు కొన్ని ఆర్థిక సేవలు వ్యాట్ పెంపుతో ప్రభావితం కావు. జనవరి 1, 2022లోపు సరఫరా చేయబడిన ప్రామాణిక-రేటెడ్ వస్తువులు, సేవలకు 5%(పాత రేటు) VAT రేటు వర్తిస్తుంది.