హైదరాబాద్: నందమూరి కళ్యాణ్‌ రామ్ హీరోగా తెరకెక్కిన బింబిసార సినిమా త్వరలో విడుదలకు సిద్ధం అవుతోంది. నందమూరి అభిమానుల భారీ అంచనాల మధ్య విడుదల అవుతున్న ఈ సినిమాపై హైప్‌ క్రియేట్ అయ్యింది. ఆసక్తికరమైన విషయం ఏమిటంటే కళ్యాణ్ రామ్ బార్బేరియన్ కింగ్ పాత్రలో నటిస్తున్న ఈ సినిమా సెకెండ్ పార్ట్ కూడా త్వరలో సిద్ధం అవుతోంది.

త్వరలో సెకండ్ పార్ట్ షూటింగ్ స్టార్ట్ చేయబోతుండగా.. పాన్ ఇండియా సినిమాగా తెరకెక్కుతోన్న ఈ సినిమాలో ఎన్టీఆర్ ఓ ముఖ్యమైన పాత్రలో నటించబోతున్నట్లు తెలుస్తోంది. వసిష్ట్ ఈ సినిమాకు దర్శకత్వం వహిస్తోండగా.. ఈ సినిమా తర్వాత వశిష్ట్ బాలయ్యతో అల్లు అర్జున్ నిర్మాతగా ఓ సినిమా చేయబోతున్నారు.

ఎన్టీఆర్ ఆర్ట్స్ బ్యానర్‌పై కళ్యాణ్ రామ్ స్వయంగా నిర్మిస్తున్న బింబిసార మూవీలో క్యాథరిన్ ట్రెసా, సంయుక్త మీనన్ ఫీమేల్ లీడ్ రోల్స్‌లో నటిస్తున్నారు. గౌతమీ పుత్ర శాతకర్ణి ఫేమ్ చిరంతన్ భట్ ఈ సినిమాకి మ్యూజిక్ కంపోజ్ చేస్తున్నాడు. క్రీస్తు పూర్వం 5వ శతాబ్దానికి చెందిన మగధ రాజ్యాధిపతి బింబిసారుడు కథే ఈ సినిమా కథాంశం.