హైదరాబాద్: తెలంగాణ వైద్య ఆరోగ్య‌శాఖ విడుద‌ల చేసిన తాజా బులెటిన్ ప్ర‌కారం..గడిచిన 24 గంట‌ల్లో రాష్ట్రంలో 2,387 కొత్త పాజిటివ్ కేసులు న‌మోదు కాగా.. మొత్తం పాజిటివ్ కేసుల సంఖ్య 7,74,215కు పెరిగింది.. ఇక‌, 4,559 మంది పూర్తిస్థాయిలో కోలుకోవ‌డంతో.. రిక‌వ‌రీ కేసుల సంఖ్య 7,39,187కు చేరింది.మ‌రో కోవిడ్ బాధితుడు ప్రాణాలు వ‌ద‌ల‌డంతో.. మృతుల సంఖ్య 4,097కు పెరిగింది.ప్ర‌స్తుతం రాష్ట్రంలో 30,931 యాక్టివ్ కేసులు ఉన్న‌ట్టు బులెటిన్‌లో పేర్కొంది ప్రభుత్వం.గ‌త 24 గంట‌ల్లో రాష్ట్రంలో 79,561 శాంపిల్స్ ప‌రీక్షించామ‌ని..ఇంకా 2,239 శాంపిల్స్‌కు సంబంధించిన రిపోర్టులు రావాల్సి ఉంద‌ని పేర్కొంది.