మలయాళీ ముద్దుగుమ్మే అయినా.. బాలీవుడ్‌లో బోల్డ్ బ్యూటీగా పేరుతెచ్చుకున్న విద్యాబాలన్... అనతికాలంలోనే విలక్షణ నటిగా పేరు తెచ్చుకుంది. పెళ్లయ్యాక కాస్త స్పీడ్ తగ్గించినా... ఇప్పుడు ఒకేసారి తెలుగు, తమిళ ప్రేక్షకులను ఉర్రూతలూగించేందుకు రెడీ అవుతోందట. విషయం ఏంటంటే.. ఆ మధ్య 'కహానీ' చిత్రానికి జాతీయ ఉత్తమ నటి పురస్కారాన్ని అందుకున్న విద్య ఇప్పుడు ఆ చిత్రానికి సీక్వెల్‌ చేస్తోంది. ఇటీవలే ప్రారంభమైన ఈ సినిమా ప్రస్తుతం బెంగాల్‌లో షూటింగ్ జరుపుకుంటోంది. ఈ చిత్రాన్ని తెలుగు, తమిళ భాషల్లోనూ డబ్ చేసి రిలీజ్ చేస్తామంటున్నారు దర్శక-నిర్మాతలు. 'కహానీ 2'లో విద్యాబాలన్ తోపాటు అర్జున్ రాంపాల్, జుగల్ హన్స్ రాజ్ కీలక పాత్రలు పోషించబోతున్నారు.