కావలసినవి: గోధుమ రవ్వ ఒక కప్పు, పాలు 5 కప్పులు, గోధుమ పిండి అర కప్పు, చక్కెర అర కప్పు, కండెన్డ్స్‌ మిల్క్‌ పావు కప్పు, యాలకులు 4 టేబుల్‌ స్పూన్లు. అలంకరించడానికి: రోజ్‌ సిరప్‌/సాస్‌ పావు కప్పు, డ్రై ఫ్రూట్స్‌ తగినంత

ఎలా చేయాలి

గోధుమ రవ్వని ఒక కప్పు నీళ్లలో పది నిమిషాల పాటు నానబెట్టాలి. పాలను వేడి చేసి వాటిలో గోధుమ రవ్వ, చక్కెర, యాలకుల పొడిని వేసి బాగా కలపాలి. కండెన్డ్స్‌ మిల్క్‌ కూడా పోసి కలుపుతూ ఉండాలి. ఈ మిశ్రమం బాగా ఉడికి దగ్గరపడే వరకు మీడియం మంట మీద ఉడికించాలి. చల్లారాక ఒక ప్లేట్‌లో ఈ మిశ్రమాన్ని కావలసిన విధంగా అమర్చి దాని పక్కన రోజ్‌ సిరప్‌ లేదా సాస్‌ని వేయాలి. డ్రై ఫ్రూట్స్‌తో అలంకరించాలి. ఇదే స్వీట్‌ని సగ్గుబియ్యంతోనూ, సేమ్యాతోనూ, వరిపిండితోనూ కూడా చేసుకోవచ్చు. అలాగే రోజ్‌ సాస్‌ బదులు పైనాపిల్‌ కారమిల్‌ సాస్‌లు కూడా వాడొచ్చు.