యూఏఈ: అల్ హోస్న్ గ్రీన్ పాస్ లేకుండానే అబుదాబిలోకి ప్రవేశించవచ్చు. అబుదాబి ఎమర్జెన్సీ, క్రైసిస్ అండ్ డిజాస్టర్స్ కమిటీ EDE స్కానర్‌ల తొలగింపును ఆమోదిస్తూ నిర్ణయం తీసుకుంది. యూఏఈ దేశాల నుండి ఎమిరేట్‌లోకి గ్రీన్ పాస్ కోసం లేకుండానే ప్రవేశించవచ్చు. ఫిబ్రవరి 28 (సోమవారం) నుండి ఈ నిబంధన అమల్లోకి రానున్నాయి. కాగా ఎమిరేట్‌లోని బహిరంగ ప్రదేశాల్లోకి ప్రవేశించడానికి మాత్రం గ్రీన్ పాస్ అవసరం అని అబుదాబి మీడియా కార్యాలయం ఒక ట్వీట్‌లో తెలిపింది. కోవిడ్-19 మహమ్మారి వ్యాప్తి తర్వాత ఫిబ్రవరి 15న  విధించిన సామర్థ్యం, సామాజిక దూర పరిమితులను తాజాగా యూఏఈ సడలించింది. కరోనా వైరస్ కొత్త వేరియంట్ ఒమిక్రాన్ కేసుల సంఖ్య తగ్గడంతో ప్రస్తుతం సినిమా హాళ్లు, క్రీడా వేదికలు, పూజా స్థలాలు సాధారణ స్థితికి చేరుకున్నాయి.