బాలయ్య వందో చిత్రానికి సంబంధించిన అన్నీ ఏర్పాట్లు దాదాపు పూర్తయినట్టు తెలుస్తుంది. గౌతమి పుత్ర శాతకర్ణిగా నటించేందుకు బాలయ్య సిద్దం కాగా ఇప్పటికే గుర్రపు స్వారీలపై తగిన శిక్షణ తీసుకుంటున్నట్టు తెలుస్తుంది. ఈ వందో చిత్రాన్ని క్రిష్‌ తెరకెక్కించనుండగా, ఇప్పటికే స్క్రిప్ట్‌ పనులను పూర్తి చేసినట్టు సమాచారం. యోధుడు టైటిల్‌తో తెరకెక్కనున్న ఈ చిత్ర ముహూర్త కార్యక్రమాలు ఏప్రిల్ 8న అమరావతిలో జరపనున్నట్టు టాక్‌.గౌతమ పుత్ర శాతకర్ణి అంటూ గౌతమి కుమారుడు శాతకర్ణి అని అర్ధం . అమ్మ పేరు కలసి వచ్చేలా ఆ చక్రవర్తి పేరు ఉంది. చక్రవర్తిగా బాలయ్య నటించనుండగా, తల్లి పాత్ర కోసం పలువురు సీనియర్‌ నటీమణులను క్రిష్‌ సంప్రదిస్తున్నట్టు టాక్ .అయితే ఆ రాజమాత పాత్ర కోసం హేమమాలని , శోభనలలో ఒకరిని అనుకుంటున్నారు. అయితే శోభన గతంలో బాలయ్య నటించగా హేమమాలిని వైపే యూనిట్‌ ఎక్కువగా దృష్టి సారిస్తుందని సమాచారం.హేమమాలిని ప్రస్తుతం అమెరికాలో ఉండగా, ఏప్రిల్‌ 10న ఇండియాకు రానున్నట్టు తెలుస్తుంది. ఆ రోజు ముంబైలో హేమమాలినిని కలిసి ఈ విషయంపై తుదినిర్ణయం తీసుకోనుంది చిత్ర యూనిట్‌. ఇక హీరోయిన్‌గా నయనతారని తీసుకోవాలని క్రిష్‌ భావిస్తున్నట్టు సమాచారం.