రాజ్యసభ సభ్యుడు, ప్రముఖ సినీ నటుడు చిరంజీవి చిన్న కుమార్తె శ్రీజ-కల్యాణ్‌ల వివాహ విందు కార్యక్రమం గురువారం రాత్రి హైదరాబాద్‌లోని పార్క్‌హయత్‌లో జరిగింది. ఈ కార్యక్రమానికి తెలుగు రాష్ట్రాల గవర్నర్‌ నరసింహన్‌, ఆంధ్రప్రదేశ్‌ రాష్ట్ర ముఖ్యమంత్రి నారా చంద్రబాబు నాయుడు, కేంద్ర పార్లమెంటరీ వ్యవహరాల శాఖ మంత్రి వెంకయ్యనాయుడు, తెలంగాణ ఐటీ శాఖ మంత్రి కె.తారకరామారావు, ఈనాడు ఎండీ కిరణ్‌ దంపతులు, ప్రముఖ దర్శకులు కె.విశ్వనాథ్‌, దాసరి నారాయణరావుతో పాటు పలువురు సినీ, రాజకీయ రంగ ప్రముఖులు హాజరయ్యారు.