దుబాయ్: మార్చి 7 నుండి 9 వరకు దుబాయ్ వరల్డ్ ట్రేడ్‌లో జరిగే 20వ వార్షిక ప్రాంతీయ ఆడిట్ కాన్ఫరెన్స్ (ARAC) ఇంటర్నల్ ఆడిటర్‌ల సమావేశం జరుగనుంది. ప్రపంచంలోని మొట్టమొదటి రోబోట్ సిటిజన్ సోఫియా, హ్యూమనాయిడ్ రోబోట్ లు ఈ అతిపెద్ద స్మార్ట్ కాన్ఫరెన్స్ లో పాల్గొనడానికి మార్చి 8న దుబాయ్ చేరుకుంటాయి. సౌదీ పౌరసత్వాన్ని కలిగి ఉన్న సోఫియా.. ఇంటర్నల్ ఆడిటర్ల సంఘం నిర్వహించే అంతర్గత ఆడిటింగ్‌ వార్షిక ప్రాంతీయ సదస్సు రెండవ రోజున "అంతర్గత ఆడిట్ వృత్తిలో ఆర్టిఫిషియల్ ఇంటెలిజెన్స్" అనే అంశంపై ఇంటరాక్టివ్ సెషన్‌ను నిర్వహిస్తుంది.దుబాయ్ వరల్డ్ ట్రేడ్ సెంటర్‌లో "ది రివల్యూషన్ అండ్ ట్రాన్స్ ఫర్మేషన్ ఇన్ ఇంటర్నల్ ఆడిట్" అనే థీమ్ కింద ఈ కాన్ఫరెన్స్ ను నిర్వహిస్తున్నారు.