కావలసిన పదార్ధాలు:

• కాప్సికమ్ - 3 (పెద్దవి)
• పల్లీలు - 1/4 కప్పు
• తెల్ల నువ్వులు - 2 టేబుల్ స్పూన్లు
• జీలకర్ర - 2 టీ స్పూన్లు
• చింతపండు - నిమ్మకాయంత
• ఉప్పు - సరిపడా
• పసుపు - 1 టీ స్పూను
• కారం - 1 టీ స్పూను
• ధనియాల పొడి - 1 టీ స్పూను
• జీలకర్ర పొడి - 1 టీ స్పూను

గ్రేవీ కోసం:

• ఉల్లిపాయ - 1
• టొమాటోలు - 3
• అల్లం - అంగుళం ముక్క
• వెల్లుల్లి - 4 రెబ్బలు
• కొబ్బరి - 2 టేబుల్ స్పూన్లు

తాలింపు కోసం:

• ఆవాలు - 1 టీ స్పూను
• మెంతులు - 1/2 టీ స్పూను
• ఉల్లి గింజలు - 1 టీ స్పూను
• నూనె - 1 టేబుల్ స్పూను

చేయు విధానం:

• చింతపండుని గోరువెచ్చని నీళ్ళల్లో పావుగంట నానబెట్టి గుజ్జులా చేయాలి.
• బాణీలో పల్లీలు, నువ్వులు, జీలకర్ర వేయించి పొడి చేయాలి.
• తర్వాతా గ్రేవీ కోసం తీసుకున్నవన్నీ నీళ్ళు లేకుండా మెత్తగా రుబ్బాలి.
• బాణీలో టీ స్పూను నూనె వేసి కాప్సికమ్ ముక్కలు, కొద్దిగా ఉప్పు వేసి నాలుగైదు నిమిషాలు వేయించి పక్కన పెట్టండి.
• మరో బాణీలో నూనె వేసి తాలింపు చేసి, రుబ్బిన మసాలా ముద్ద వేసి పచ్చివాసన పోయేవరకు వేయించాలి.
• గ్రేవీ చిక్కబడ్డాక పల్లీల పొడి, ఉప్పు, కారం, పసుపు, జీలకర్రపొడి, ధనియాలపొడి, చింతపండు గుజ్జు వేసి కలిపి అయిదు నిమిషాలు ఉడికించాలి.
• ఇప్పుడు వేయించిన కాప్సికమ్ ముక్కలు వేసి చిక్కబడేవరకూ ఉడికించి దించాలి.

​                                                      ----ఏ. రమణి, గుంటూర్.