కువైట్: కార్ షేడ్స్ ఏర్పాటుపై కొత్త నిబంధనల ముసాయిదా సవరణలకు మున్సిపల్ కౌన్సిల్ ఆమోదం తెలిపింది. అనేక నిబంధనలను కువైట్ మునిసిపాలిటీ సవరించింది. ముఖ్యంగా పబ్లిక్ స్క్వేర్‌ల ఎదురుగా కారు షేడ్స్ ను ఏర్పాటు చేయడాన్ని నిషేధించారు. ప్రైవేట్ ఇళ్ల ప్రాంగణంలో కారు షేడ్స్ కోసం లైసెన్స్ పొందాలనే నిబంధనను రద్దు చేశారు. కొత్త నిబంధనల ప్రకారం.. కారు షేడ్‌ల ఎత్తు నాలుగు మీటర్లకు మించకూడదు. ప్రైవేట్ ఇళ్ళ దగ్గర ఏర్పాటు చేసుకునే షేడ్స్ కు లైసెన్స్ ఫీ మినహాయించారు.  ప్రభుత్వ ఏజెన్సీలకు సంవత్సరానికి ఒక చదరపు మీటరుకు KD1 (సింగిల్ టైమ్ ఫీ), కమర్షియల్ KD5 గా నిర్ణయించారు.