కావలసిన పదార్థాలు : అరటిపువ్వు చిన్నది - 1, శనగపప్పు - 1 కప్పు, ఉల్లిపాయ - 1, పచ్చిమిర్చి - 4, కొత్తిమీర - అరకప్పు, ఉప్పు - రుచికి తగినంత, నూనె - వేగించడానికి సరిపడా.

తయారుచేసే విధానం: అరటిపువ్వులో పుల్లల్లా ఉండే కాడల్ని, పై (దళసరి) పొట్టుని తీసి మిగతా పువ్వును సన్నగా తరిగి ఉప్పునీటితో కడిగి ఆరబెట్టుకోవాలి. 5 గంటలపాటు శనగపప్పుని నానబెట్టి మెత్తగా రుబ్బుకుని అందులో తరిగిన అరటిపువ్వు, ఉల్లిపాయ, పచ్చిమిర్చి, కొత్తిమీర, ఉప్పు కలిపి ముద్దగా కలుపుకోవాలి. పిండిని ఉసిరికాయంత సైజులో సమభాగాలుగా చేసుకొని గారెల్లా వత్తుకుని నూనెలో దోరగా వేగించుకోవాలి.