బహ్రెయిన్: దేశంలోని అతిపెద్ద క్రాస్-బోర్డర్ చెల్లింపుల కంపెనీలలో ఒకటైన LuLu Exchange, BenefitPay వినియోగదారులకు మరింత సులభంగా సర్వీసులు అందించేందుకు చేతులు కలిపింది. దేశవ్యాప్తంగా విస్తరించి ఉన్న LuLu Exchange తన 16 శాఖలలో పేమెంట్స్, కరెన్సీ మార్పిడి లావాదేవీలను నిర్వహించడానికి అనుమతిస్తుంది. వినియోగదారులు LuLu ఎక్స్ఛేంజ్ బ్రాంచ్ కౌంటర్లలో QR కోడ్‌ను స్కాన్ చేయడం ద్వారా వారి బెనిఫిట్‌పే ఖాతాలను ఉపయోగించి నగదు రహిత లావాదేవీలను జరుపవచ్చు. ఈ కరెన్సీ బదిలీ ఫిజికల్ టెల్లర్ సమక్షంలో జరుగుతుంది. ఈ సందర్భంగా లులు ఎక్స్ఛేంజ్ జనరల్ మేనేజర్ ఎడిసన్ ఫెర్నాండెజ్ మాట్లాడుతూ.. బహ్రెయిన్ డిజిటలైజేషన్ ప్రయత్నాలకు ఈ ఒప్పందం అద్భుతమైన ప్రయోజనాలను అందిస్తుందన్నారు. బెనిఫిట్‌పేకు బహ్రెయిన్‌లో అర మిలియన్ మంది వినియోగదారులు ఉన్నారని, BenefitPayతో భాగస్వామ్యంతో నగదు రహిత నగదు బదిలీని ఇష్టపడే వేలాది మంది వినియోగదారులకు తమ బ్రాంచ్‌లలో లావాదేవీలు సమానంగా సౌకర్యవంతంగా అందుతాయన్నారు. బెనిఫిట్ పే డిప్యూటీ CE Yousif Al-Nefaiei మాట్లాడుతూ.. తమ భాగస్వామ్యం నగదు వినియోగాన్ని తగ్గించడంలో మరియు దేశాన్ని డిజిటల్ చెల్లింపుల వైపు మార్చడంలో.. నగదు రహిత ఆర్థిక వ్యవస్థగా మార్చడంలో బహ్రెయిన్ స్థానాన్ని పెంచుతుందన్నారు.