సౌదీ: సౌదీ సెంట్రల్ బ్యాంక్ (SAMA) నుండి కొత్త సూచనల ప్రకారం.. సౌదీ అరేబియాలోని అన్ని బ్యాంకులు క్లయింట్‌ల కోసం ఆన్‌లైన్ ప్లాట్‌ఫారమ్‌ల ద్వారా కొత్త ఖాతాలను తెరవడాన్ని నిలిపివేయనున్నాయి. ఏప్రిల్ 10, ఆదివారం నుండి ఈ సూచనలు అమల్లోకి రానున్నాయి. బ్యాకింగ్ మోసాలను అరికట్టేందుకు తీసుకునే చర్యలలో భాగంగా ఈ నిర్ణయం తీసుకున్నారు. కొత్త ఖాతాలను తెరవడం అనేది బ్యాంకులు, ఆర్థిక సంస్థల శాఖల ద్వారా మాత్రమే జరుగనుంది. సౌదీ సెంట్రల్ బ్యాంక్ కొత్త సూచనల ప్రకారం..  సౌదీయేతర క్లయింట్లు ఇకపై ఆన్‌లైన్‌లో నగదు బదిలీని చేయలేరు. దీనికి బదులుగా వారు వ్యక్తిగతంగా నగదు బదిలీ చేయాలి. ఆన్‌లైన్‌లో బదిలీ చేయగల మొత్తాన్ని SR60,000కి పరిమితం చేశారు. దేశీయంగా నగదు బదిలీకి రెండు గంటల సమయం పట్టనుండగా.. అంతర్జాతీయ నగదు బదిలీలకు 24 గంటల సమయం పట్టనుంది.