పండంటి మగబిడ్డకి జన్మనిచ్చిన కాజల్..
- April 19, 2022అందాల నటి, హీరోయిన్ కాజల్ అగర్వాల్ పండంటి బిడ్డకు జన్మనిచ్చింది. అయితే కాజల్ కుటుంబం ఈ శుభవార్తపై ఎలాంటి ప్రకటన అధికారికంగా ఇవ్వలేదు. అయితే బాలీవుడ్ మీడియా వర్గాలు మాత్రం ఈ వార్తను ధృవీకరించాయి. కాజల్ అగర్వాల్, గౌతమ్ కిచ్లూ దంపతులు పండంటి బిడ్డకు జన్మనిచ్చారు అనే విషయాన్ని తమ కథనాల్లో స్పష్టం చేశారు. ఈ వార్తకు సంబంధించిన వివరాల్లోకి వెళితే..
ముంబై వ్యాపారవేత్తతో ప్రేమ వివాహం..
దక్షిణాది సినీ పరిశ్రమలో అగ్రహీరోయిన్గా రాణిస్తున్న కాజల్ అగర్వాల్ ముంబైలోని వ్యాపారవేత్త గౌతమ్ కిచ్లూతో ప్రేమలో పడ్డారు. కొద్ది రోజుల డేటింగ్ అనంతరం వారిద్దరూ 2020 అక్టోబర్ 30 తేదీన సంప్రదాయ పద్దతుల్లో వివాహం చేసుకొన్నారు. ఆ తర్వాత వారిద్దరూ విహారయాత్రల్లో దాంపత్య జీవితాన్ని ఎంజాయ్ చేస్తూ సోషల్ మీడియాలో వైరల్ అయ్యారు.
భార్య ప్రెగ్రెన్సీని వార్తను గౌతమ్ చేరవేసి..
ఆచార్య షూటింగులో పాల్గొంటున్న సమయంలోనే కాజల్ అగర్వాల్ ప్రెగ్రెంట్ అయ్యారనే వార్తను భరత్ గౌతమ్ కిచ్లూ సోషల్ మీడియా ద్వారా ప్రకటించారు. నా భార్య ఎప్పుడూ అందంగా కనిపిస్తుంది అని కామెంట్ చేస్తూ.. గర్బం దాల్చిన మహిళ బొమ్మను పెట్టి.. కాజల్ ప్రెగ్నెంట్ అనే విషయాన్ని ఫ్యాన్స్ తెలియజేశాడు.
ప్రెగ్నెన్సీ ఫోటోషూట్తో కాజల్
ప్రెగ్నెన్సీ సమయంలో కాజల్ అగర్వాల్ సోషల్ మీడియాలో చాలా యాక్టివ్గా కనిపించారు. ఇటీవల గౌతమ్, కాజల్ చేసిన ప్రెగ్నెన్సీ, బేబీ బంప్ ఫోటోషూట్ సోషల్ మీడియాలో వైరల్ అయింది. అయితే కాజల్ను కొందరు నెటిజన్లు టార్గెట్ చేస్తూ.. బాడీ షేమింగ్ చేస్తూ.. ట్రోల్ చేయడం వివాదంగా కూడా మారింది.
మాతృత్వం గురించి సోషల్ మీడియాలో..
కాజల్ అగర్వాల్ డెలివరీకి ముందు మాతృత్వం గురించి భావోద్వేగంగా స్పందించారు. మాతృత్వం అనేది అద్బుతమైనది. ఒక మూమెంట్లో అంతా మన చేతిలో ఉందని అనుకొంటాం. కానీ మరో క్షణం గడిస్తే.. మన చేతిలో ఏమీ లేదనే విషయం స్పష్టమవుతుంది. నిద్రించే సమయంలో నేను ఎలా మేనేజ్ చేస్తానా అనే ఫీలింగ్ కలిగేది. ఇలాంటి సమయంలోనే మన తల్లిదండ్రులు గుర్తుకు వస్తారు. అప్పుడు రకరకాల బాధలను, సంతోషాలను మరిచిపోతాం అని ఇన్స్టాగ్రామ్లో సుదీర్ఘమైన పోస్టు పెట్టారు.
పండంటి మగబిడ్డకు జననం..
ఇలాంటి భావోద్వేగాల మధ్య కాజల్ అగర్వాల్, గౌతమ్ కిచ్లూ మంగళవారం అంటే.. ఏప్రిల్ 19వ తేదీన ముంబైలోని ప్రైవేట్ హాస్పిటల్లో పండంటి అబ్బాయికి జన్మనిచ్చారు. కాజల్, ఆమె బిడ్డ ఆరోగ్యం బాగుంది. తల్లి, బిడ్డ ఆరోగ్యంగా ఉన్నారనే విషయాన్ని మీడియా వర్గాలు వెల్లడించాయి. త్వరలోనే కాజల్ దంపతులు అధికారికంగా ఈ వార్తను వెల్లడించే అవకాశం ఉంది.
తాజా వార్తలు
- లోయలో పడిన కారు.. 10 మంది దుర్మరణం
- కాంగ్రెస్కు రూ.1,700 కోట్ల ట్యాక్స్ నోటీసు
- అవగాహన లేకపోతే AI దుర్వినియోగం కావచ్చు : బిల్ గేట్స్తో మోదీ
- FTPC ఇండియా జాతీయ సమన్వయ కమిటీల చైర్మన్ గా గొట్టుపర్తి మధుకర్ (బాబ్జి)
- అల్లు అర్జున్ మైనపు విగ్రహం ఆవిష్కరణ..
- వితంతువులు, అనాథలకు రాయల్ ఈద్ బహుమతులు
- రష్యా విమానాశ్రయంలో ప్రమాదం..ఎమిరేట్స్ విమానం రద్దు
- ఎక్స్పో 2023 దోహా హార్టికల్చర్లో ఒమన్కు 'బెస్ట్ పెవిలియన్ కంటెంట్' అవార్డు
- జెద్దాకు వెళ్లే ప్రయాణికులందరికీ ఫ్లూ వ్యాక్సిన్ సర్టిఫికేట్ తప్పనిసరి- ఎతిహాద్
- రమదాన్ ఘబ్కాను నిర్వహించిన భారత రాయబారి