మక్కా: ఈ సంవత్సరం హజ్ చేయాలనుకునే స్థానిక యాత్రికులు, పౌరులు, నివాసితుల కోసం రిజిస్ట్రేషన్ ప్రారంభించినట్టు హజ్, ఉమ్రా మంత్రిత్వ శాఖ ప్రకటించింది. దరఖాస్తుదారులు తప్పనిసరిగా 65 కంటే ఎక్కువ వయస్సు కలిగి ఉండకూడదని, చెల్లుబాటు అయ్యే రెసిడెన్సీ అనుమతిని కలిగి ఉండాలని స్పష్టం చేసింది. గతంలో హజ్ చేయని, తవక్కల్నా అప్లికేషన్‌లో వారి స్థితిని బట్టి పూర్తిగా రోగనిరోధక శక్తిని పొందిన వారికి ప్రాధాన్యత ఇవ్వబడుతుందని మంత్రిత్వ శాఖ తెలిపింది. యాత్రికులు అందుబాటులో ఉన్న అన్ని ప్యాకేజీలను సమీక్షించడానికి లేదా https://localhaj.haj.gov.saలో ఆన్‌లైన్‌లో ఈట్‌మార్నా అప్లికేషన్ ద్వారా రిజిస్ట్రేషన్ పూర్తి చేయవచ్చని మంత్రిత్వ శాఖ తెలిపింది. దరఖాస్తుదారులందరూ తమ డేటాను నమోదు చేసేటప్పుడు.. ప్యాకేజీలను ఎంచుకున్నప్పుడు వారు అందించే సమాచారం ఖచ్చితత్వాన్ని నిర్ధారించాలని మంత్రిత్వ శాఖ పిలుపునిచ్చింది. రిజిస్ట్రేషన్ గడువు ముగిసిన తర్వాత అన్ని దరఖాస్తులు ప్రాసెస్ చేయబడతాయని మంత్రిత్వ శాఖ పేర్కొంది. అన్ని విచారణలు, సూచనలను ఇ-మెయిల్ ద్వారా [email protected], నంబర్ 920002814 లేదా ట్విట్టర్ ఖాతా @MOHU ద్వారా పంపవచ్చని వెల్లడించింది. కోఆర్డినేషన్ కౌన్సిల్ చైర్మన్ డాక్టర్ సయీద్ అల్-జుహానీ మాట్లాడుతూ.. 77 దేశీయ కంపెనీలు ఈ సంవత్సరం పనిచేయనున్నాయని.. అవి యాత్రికులకు భోజనాన్ని, టెంట్లు, విద్యుత్ సహా వివిధ సేవలను అందిస్తాయని తెలిపారు.