మెగా కాంపౌండ్‌తో బాలీవుడ్ హీరో సల్మాన్ ఖాన్‌కి అత్యంత సాన్నిహిత్యం వున్న సంగతి తెలిసిందే. ఆయన ఎప్పుడు హైద్రాబాద్ వచ్చినా చిరంజీవిని కలవకుండా వెళ్లడు. అదే చనువుతో చిరంజీవి అడిగాడని, ఆయన సినిమా ‘గాడ్ ఫాదర్’‌లో ఓ ఇంపార్టెంట్ రోల్ పోషించేందుకు ఒప్పుకున్నాడు సల్మాన్ ఖాన్.

అదే, ‘గాడ్ ఫాదర్’ మూవీ. మలయాళ రీమేక్ ‘లూసిఫర్‌‌’ కి తెలుగు రీమేక్‌గా రూపొందుతోన్న ఈ సినిమాలో కొన్ని నిముషాల పాటు మాత్రమే కనిపించే ఆ పాత్ర సినిమాకి ఎంతో కీలకం. కాగా, మెహర్ రమేష్ ఈ సినిమాకి దర్శకుడు అన్న సంగతి తెలిసిందే.

తాజా విషయమేంటంటే, సల్మాన్ ఖాన్ ఈ సారి పవర్ స్టార్ పవన్ కళ్యాణ్ సినిమాలో నటించబోతున్నాడంటూ ప్రచారం జరుగుతోంది. హరీష్ శంకర్ దర్శకత్వంలో తెరకెక్కబోయే ‘భవదీయుడు భగత్ సింగ్’ సినిమాలో సల్మాన్ ఖాన్ నటించబోతున్నాడనేది ఆ ప్రచారం సారాంశం.

తన సినిమాలకు సంబంధించిన గాసిప్స్‌ విషయంలో హరీష్ శంకర్ చాలా అలర్ట్‌గా వుంటాడు. వెంటనే స్పందించి గాలి వార్తలైతే, ఆ గాసిప్స్‌కి చెక్ పెట్టేస్తుంటాడు. నిజమైతే, క్లారిటీ ఇచ్చేస్తాడు. అలాగే, ఈ సారి కూడా  తన సినిమాలో సల్మాన్ ఖాన్ నటించడం లేదంటూ, ఈ గాసిప్‌కి చెక్ పెట్టేశాడు హరీష్ శంకర్.

త్వరలో సెట్స్ మీదికి వెళ్లనున్న ఈ సినిమాని మైత్రీ మూవీస్ సంస్థ ప్రతిష్టాత్మకంగా నిర్మిస్తోంది. హరీష్ శంకర్‌కి లక్కీ ఛామ్ అయిన పూజా హెగ్దే హీరోయిన్‌గా నటిస్తోంది.