ఆరుగురు సభ్యులు గల కేబుల్‌ దొంగల ముఠాని పోలీసులు అదుపులోకి తీసుకున్నారు. అబుదాబీ మరియు రస్‌ అల్‌ ఖైమాలో ఈ ఆరుగురు కేబుల్స్‌ని దొంగిలిస్తున్నారు. దొంగిలించిన వాటిని స్పేర్‌ పార్ట్స్‌ రూపంలో విక్రయించడానికి సిద్ధమవుతుండగా వారిని పోలీసులు రెడ్‌ హ్యాండెడ్‌గా పట్టుకున్నారు. ఎలక్ట్రిక్‌ పవర్‌కి సంబంధించిన కేబుల్స్‌ని నిందితులు దొంగిలించారనీ, అవి అబుదాబీలోని కన్‌స్ట్రక్షన్‌ ఫెసిలిటీకి చెందినవనీ కల్నల్‌ అహ్మద్‌ సైఫ్‌ బిన్‌ జీతౌన్‌ అల్‌ ముహైరి చెప్పారు. దొంగిలించబడిన కేబుల్స్‌ విలువ 100,000 దిర్హామ్‌లు ఉంటుందని అధికారులు తెలిపారు. మొత్తం 500 కిలోల బరువైన ఈ కేబుల్స్‌ని నిందితులు రాత్రి వేళ దొంగిలిస్తున్నారు. 14 మంది కెపాసిటీ గల బస్సుల్లో దొంగిలించిన కేబుల్‌ వైర్లను తరలించారు నిందితులు. నిందితులు ఆసియాకి చెందినవారిగా పోలీసులు గుర్తించడం జరిగింది.