రెడ్‌ సీ మీదుగా ఈజిప్ట్‌ - సౌదీ అరేబియా మధ్య బ్రిడ్జ్‌ నిర్మాణం కానుంది. ఈ విషయాన్ని సౌదీ అరేబియా వెల్లడించింది. కింగ్‌ సల్మాన్‌ అబ్దుల్‌ అజీజ్‌ ఆఫ్‌ సౌదీ అరేబియా, ఐదు రోజుల ఈజిప్ట్‌ పర్యటనలో ఈ ప్రకటన చేశారు. రెండు దేశాల మధ్యా నెలకొన్న చారిత్రక సంబంధాల్ని ఇంకా మెరుగుపరిచేందుకు ఈ బ్రిడ్జ్‌ తోడ్పాటునందిస్తుందని ఆయన చెప్పారు. ఈజిప్టియన్‌ స్ట్రాంగ్‌ మేన్‌ హోస్నీ ముబారక్‌ చొరవతో ఈ బ్రిడ్జ్‌ నిర్మాణానికి గతంలోనే ఆలోచనలు జరిగాయి. ప్రతి సంవత్సరం వేలాది మంది సౌదీ పర్యాటకులు ఈజిప్ట్‌ని సందర్శిస్తుంటారు. అలాగే వేలాది మంది ఈజిప్టియన్లు సౌదీ అరేబియా సందర్శించడం జరుగుతుంది. ఈ కారణంగా ఇరు దేశాల మధ్యా సాంస్కకృతిక బంధం అలాగే వ్యాపార బంధం బలోపేతానికి తగు చర్యలు తీసుకుంటామని ఇరు దేశాల ప్రముఖులు ఆశాభావం వ్యక్తం చేశారు.