రస్ అల్ ఖైమా లో సితార వసుధైక కుటుంబం వారు ఉగాది వేడుకలను అంగరంగవైభవంగా నిర్వహించారు. "RAK Ceramics"లో ఉద్యోగం చేస్తున్న 1100 మంది తెలుగు వారంతా కలిసి "సితార - వసుధైక కుటుంబం" పేరుతో ఒక తెలుగు కమ్మ్యూనిటీ ని ASA Prasad (RAK Ceramics GM), Bala Brahmaiah (RAK Ceramics DGM) గారి అధ్యక్షతన ఏర్పాటు చేసుకొని మొట్టమొదటిసారిగా ఉగాది వేడుకలను లో దిగ్విజయంగా జరపడం గమనార్హం.

ప్రముఖ జ్యోతిష మహా సిద్ధాంతి, భక్తీ టి.వి మరియు ఈ టి.వి లలో రాశిఫలాలు వివరించే ప్రసిద్ధ జ్యోతిష్కులు శ్రీ.శంకరమంచి రామకృష్ణ శాస్త్రి గారు దుర్ముఖి నామ సంవత్సర పంచాంగం చదివి వినిపించారు.

ఉదయం 9 గం. నుండి సాయంత్రం 5 గం. వరకు యు.ఏ.ఈ  ప్రార్ధనా గీతం మరియు "మా తెలుగు తల్లి" గీతంతో వేడుకలు ప్రారంభించడమే కాకుండా కూచిపూడి భరతనాట్యం వంటి శాస్త్రీయ నృత్యాలు, భక్తీ గీతాలు, తంబోలా వంటి ఆటపాటలతో పాటు, ఇండియా నుంచి వచ్చిన మిమిక్రీ ఆర్టిస్ట్ ఫణి మాధవ్ గారి ప్రోగ్రాం అందరినీ అలరించింది.

చివరగా వేడుకలకు వచ్చిన ఆత్మీయులను, పెద్దలను ఘనంగా సత్కరించి సన్మానించారు.