రియాద్: ప్రభుత్వ ప్లాట్‌ఫారమ్‌లలో ఒకదానిని పోలిన నకిలీ ఎలక్ట్రానిక్ లింక్‌లను(వెబ్ సైట్స్) సృష్టించినందుకు 12 మంది యెమెన్ జాతీయులను అరెస్టు చేసినట్లు రియాద్ పోలీసులు ప్రకటించారు. 12 మంది ప్రవాసులు నకిలీ ఎలక్ట్రానిక్ లింక్‌లను సృష్టించి, వాటిని ప్రచారం చేయడం ద్వారా మోసానికి పాల్పడ్డారని రియాద్ పోలీసులు తెలిపారు. అరెస్టయిన నిర్వాసితులు పలు నిబంధనలను ఉల్లంఘించినట్లు తేలిందని రియాద్ పోలీసులు తెలిపారు. ప్రవాసుల్లో 6 మంది సరిహద్దు భద్రతా నిబంధనలను, మరో 6 మంది నివాసితులు రెసిడెన్సీ చట్టాన్ని (ఇకామా) ఉల్లంఘించారని పేర్కొంది. అరెస్టయిన 12 మంది ప్రవాసులు తమ బాధితుల నుంచి డబ్బు వసూలు చేసి సౌదీ అరేబియా వెలుపలికి తరలించారని పోలీసులు తెలిపారు. రియాద్‌లోని రెసిడెన్షియల్ యూనిట్‌ను తమ నేరాలకు ప్రధాన కార్యాలయంగా ఉపయోగించుకుని మోసానికి పాల్పడ్డారని పేర్కొన్నారు. నిందితుల నుంచి 33 మొబైల్‌ ఫోన్లు, SR15,616 నగదును పోలీసులు స్వాధీనం చేసుకున్నారు. 12 మంది ప్రవాసులను అరెస్టు చేసి, పబ్లిక్ ప్రాసిక్యూషన్‌కు రిఫర్ చేయడంతో పాటు వారిపై చట్టపరమైన చర్యలు తీసుకున్నట్లు రియాద్ పోలీసులు తెలిపారు.