మనామా: దేశవ్యాప్తంగా ఉన్న యువతకు ఉపాధి అవకాశాలు మరియు మార్కెట్ లో డిమాండ్  ఉన్న నైపుణ్యాల గురించి విస్తృతమైన సమాచారాన్ని అందించేందుకు గాను లాబర్ ఫండ్(Tamkeen) ఆర్ధిక సహకారంతో దేశ ఇన్ఫర్మేషన్ & ఈ గవర్నమెంట్ అథారిటీ( IGA) మరియు లాబర్ మార్కెట్ నియంత్రణ మండలి (LMRA) లు సంయుక్తంగా కలిసి ఉపాధి నైపుణ్యాల పోర్టల్ (ESP)ను రూపొందించ బోతున్నట్లు అధికార సమాచారం వెలువడింది. 

ఈ పోర్టల్ ద్వారా ఉపాధికి సంబంధించిన పలు విలువైన నైపుణ్యాలను గురించి విస్తృతమైన సమాచారాన్ని అందించేందుకు కృషి చేస్తామని పేర్కొంటున్నాయి. ఈ సంవత్సరం మూడో త్రైమాసికం లో పోర్టల్ ను అందుబాటులోకి రాబోతున్నట్లు సమాచారం.